FACETIAE A FRANCESCA GRILLO

Pensum in schola. Totti a Cassano petit: "Quomodo id fecisti?" "Male! Magistrae chartam albam tradidi!" "Mehercule! Ego idem feci! Magistra putabit me a te imitatum esse!"

Fidus centurio, cursu exanimatus, ad Caesarem venit et ei dicit: "Caesar, Macedoniam manu habemus!". Centurioni placidus respondit Caesar: "Optime! Eam reponite in cellam frigidariam!"

In cubiculo auditur vox mulieris: "Paule, e lectulo surge! Tempus est in ludum iendi!" Respondit vox sumniculosa: "Mater, hodie mihi nulla cupiditas est scholae petendae!" "Age, scis tibi movendum esse! Es vir quadraginta octo annorum et es rector scholasticus!"

Puella videt Totti, maximum pila ludentem hominem, qui in manibus pulcherrimam felem gestat. Tunc ex eo quaerit: "Quam pulchra feles! Masne an femina est?" Ei Totti, iratus, respondit: "Heu, mas est! Nonne vides barbam in utroque oris latere illi esse?

Puer, vehementer concitatus, in culinam intrat, matri dicens: "Mater, dulci radici nigrae, quam posteri liquiritiam appellabunt, suntne pedes?". Puero respondit mater: "Minime vero, deliciae meae!". Et ei puer: "Tunc scarabeum edi!"

In schola, linguae latinae magistra e Totti, maximo pila ludente homine, quaerit: "Dic mihi, Francisce, in verbis coniunctis Leo cervum Africum edit ubi casus accusativus est?". Sine ulla cunctatione, Totti magistrae respondit: "Facile! Ille in leonis ventre est!"

Totti amicum suum dilectum de magno nuntio certiorem facit: "Vide, Antoni, librum omnium animos allicientem, in loco deputato ad acta diurna vendenda, inveni!". "Et illi quae inscriptio est?". "Qua ratione solvere tuarum quaestionum dimidiam partem!". "Emistine?" "Sine dubio! Duos emi!"

Duae Christi ancillae Totti, maximo pila ludenti homini, stipem emendicaturae sunt: "Duabus Christi sororibus, quaesumus, stipem largire!" Tunc ille eas penitus perspicit et paulo post dicit: "Mirum, quamvis duae Christi sorores sitis, vos integerrimas servavistis!"

In schola, Totti omni ope enititur ut absolvat pensum cui inscriptio est "Transit agmen viae ferratae!" . Maximus pila ludens homo, paucis pressisque verbis, scribit: "Et ego recedo!" Adnotat magistra: "Et ego te repello!" Ei Totti respondit: "Melius repulsus quam mortuus!"

Philosophiae magister maesta facie artis gyminicae magistro dicit: "Hoc attentius cogita! Quotienscumque ego spiritum duco, e vita excedit aliquis homo!". Contra ei alter, minime ingenio subtili praeditus, talis verbis respondit: "Conatus es aliquid facere pro tua halitus graveolentia?".